Zeka: Ata që nuk qajnë janë kriminelë

Deputeti Milaim Zeka ka komentuar dorëheqjen e Ramush Haradinajt nga pozita e Kryeministrit të Kosovës dhe ftesën që ky i fundit ka marrë nga Gjykata Speciale.

Zeka në Frontal të T7 ka komentuar edhe gjendjen emocionale të Haradinajt gjatë konferencës ku kumtoi lajmin duke thënë se ata që nuk qajnë, për të janë kriminel.

“Ata që nuk qajnë për mu janë kriminel”, ka shkruar Zeka.

Ndryshe, sot në fund të mbledhjes së Qeverisë Haradinaj ka bërë të ditur se ka dhënë dorëheqje të parevokueshme. Haradinaj ka njoftuar se do të paraqitet në Hagë javën e ardhshme.

“Kam dhënë dorëheqje prej kryetarit të qeverisë. Nga ky moment japim dorëheqje si qeveri. Jam ftuar të intervistohem si i dyshuar nga Specialja.  Javën tjetër do të kem paraqitje. E kam vlerësuar se s’mundem  mu paraqitë si kryetar i qeverisë edhe me rujt nderin e kryetarit të qeverisë dhe shtetit”, ka deklaruar Haradinaj.

Loading...