Dimri dhe bora kanë futur Zvicrën në “kthetrat” e veta. Një numër ortekësh janë regjistruar të enjten, por njerëzit dhe ndërtesat kësaj radhe shpëtuan pa dëme.

Matjet e fundit janë nga mëngjesi i kësaj të enjteje. Trashësia totale e borës në St. Gallen ishte 18 centimetra, në Einsiedeln 22 centimetra dhe në Chur 40 centimetra. Në Arosa ka tashmë 1.35 metra dëborë.

Sasia e madhe e borës së freskët ka ndërprerë trafikun në rrugë të shumta. Disa vende nuk mund të arrihen më me automjete ose tren, raportojnë mediat zvicerane.

Edhe në qytete, transporti publik u përball me kufizime të ashpra në mbrëmje. Në Cyrih, autobusët nuk kanë mundur të lëvizin më në lartësinë prej më shumë se 450 metrash mbi nivelin e detit, transmeton albinfo.ch.

Shumë tramvajë dhe autobusë urbanë u vonuan ose u anuluan plotësisht.

Dhe ky është vetëm fillimi: Përveç kësaj që ka rënë sot, edhe 50 deri 110 centimetra borë e freskët pritet në pjesë të shpateve veriore të Alpeve dhe 20 deri në 40 centimetra në pjesët e rrafshta, lindore të Zvicrës.

Në male ka pasur reshje të mëdha bore natën e së enjtes. Në Arosa GR, për shembull, 65 centimetra dëborë të freskët janë shtuar që nga e mërkura, shkruan Meteonews në Twitter. Dhe ka vazhduar të binte borë me të madhe.

Britania e Madhe ka njoftua se vetëm tre nga 2367 shoferë të kamionëve që janë testuar deri më tash për COVID-19, kanë rezultuar pozitivë me COVID-19.

Testimi emergjent i shoferëve të kamionëve që janë bllokuar në Britani në afërsi të kufirit me Francën ka nisur këtë javë, ndërsa Franca do të rihap kufirin dhe do të lejojë ata të kthehen në shtëpi.

Një djalë 7- vjeçar ka përlotur botën me historinë e tij. Lajmi për të është publikuar nga të gjitha mediat ndërkombëtare.

Ai jeton diku në Teksas dhe i ka shkruar një letër Babagjyshit të Vitit të Ri. Në këtë letër ai kërkon një baba më të mirë, sepse i ati i tij është i dhunshëm.

Djaloshi quhet Blanke dhe letra e tij shkruar për Babagjyshin u botua nga qendra ku qëndrojnë gratë e dhunuara dhe fëmijët e tyre “SafeHaven of Tuarant County”.

Vogëlushi po qëndron atje bashkë me nënën dhe motrat e tij. Në letrën e tij vogëlushi shkruan:

“I dashur Santa! Ne duhet të iknim nga shtëpia jonë. Babi ishte i dhunshëm. Mami na tha se ishte koha për të ikur dhe se ajo do gjente një vend më të sigurtë për ne, një vend ku ne nuk do kemi frikë. Unë jam akoma nervoz, nuk dua të flas me fëmijët e tjerë. A do vini këtë Krishlindje ju? Ne nuk morrën asgjë nga gjërat tona dhe a mund të na sillni ju disa libra për fëmijë, një enciklopedi, një busull dhe një orë? Uroj edhe një baba, një baba të mirë. A mund të më sjellësh ti një baba të mirë? Të kam xhan Blake.’’

Letra e të voglit është shpëndarë shumë dhe kudo është uruar që kjo histori t’i bëjë gjithë ata burra që ngrenë dorë mbi gratë e tyre të reflektojnë.