Connect with us

Lajme

Macron jep sinjale për liberalizim të vizave, pranon ftesën e Hotit për vizitë në Kosovë

Publikuar

me

Presidenti i Francës, Emmanuel Macron, i është përgjigjur pozitivisht ftesës së kryeministrit Avdullah Hoti, që të vizitojë Kosovën, ka bërë të ditur Kryeministria përmes një komunikate.

Ftesën, Hoti ia ka bërë gjatë takimit virtual që pati me presidentin Macron, sot.

Sipas komunikatës, Macroni përshëndeti sjelljen me dinjitet, pjekurinë e kulturën e lartë politike të qytetarëve dhe institucioneve të Kosovës, pas veprimeve të fundit nga Dhomat e Specializuara.

“Kryeministri Hoti dhe presidenti Macron biseduan edhe për procesin e dialogut Kosovë-Serbi, për arritjen e marrëveshjes përfundimtare, me njohe reciproke, në kufijtë aktual. Të dy bashkëbiseduesit u dakorduan që të organizohet edhe një takim i nivelit të lartë rreth ecurisë së procesit të dialogut, sipas formatit të Samitit të Parisit”, thuhet në komunikatë.

Po ashtu është folur edhe për liberalizimin e vizave.

Lajme

KFOR-i dhuron pajisje mjekësore në qendrën shëndetësorë në veri të Kosovës

Publikuar

me

Ushtarët amerikanë dhe grekë të KFOR-it dhuruan instrumente dhe pajisje mjekësore duke përfshirë një sterilizues, një elektrokardiogram, sisteme të monitorimit të glukozës dhe mjete të tjera diagnostikuese në qendrën lokale shëndetësore në Zervnicë, në veri të Kosovës.

“Donacioni është pjesë e ndihmës së dhënë paanshëm nga dega e Bashkëpunimit Civilo-Ushtarak të operacionit të udhëhequr nga NATO për institucionet lokale dhe komunitetet, për të përmirësuar mirëqenien e të gjithë qytetarëve.

Doktoresha Mirjana Blagojeviq– zëvendës-drejtoreshë e Spitalit Rajonal të Mitrovicës – falënderoi pjesëtarët e Komandës Rajonale Lindje të udhëhequr nga SH.B.A. dhe të Ekipit Grek të Ndërlidhjes dhe Monitorimit për mbështetjen e vazhdueshme të ofruar nga KFOR-i për institucionet shëndetësore lokale, veçanërisht gjatë COVID-19”, thuhet në njoftimin për media.

Që nga shpërthimi i pandemisë në Kosovë, KFOR-i ka kryer rregullisht detyrat e tij të sigurisë duke kontribuar në reagimin vendor ndaj COVID-19 përmes furnizimit të pajisjeve të mbrojtjes personale dhe dezinfektimit të objekteve publike.

Vazhdo ta lexosh

Lajme

Vdes aktivisti i AAK-së nga Gjakova në moshën 47-vjeçare

Publikuar

me

Ka vdekur në moshën 47-vjeçare, Besim Selmanaj, një nga aktivistët e AAK-së në qytetin e Gjakovës.

Këtë e ka bërë të ditur deputeti i AAK-së, Pal Lekaj, përmes një postimi në Facebook ku i ka shprehur ngushëllime familjes së të ndjerit.

“Dje mora lajmin e dhembshur që në moshën 47 vjeçare vdiq Besim Jahë Selmanaj, një nga aktivistët më të devotshëm të AAK-së në Gjakovë”, ka shkruar Lekaj.

Ai thotë se i ndjeri ishte kryetar i nëndegës së AAK-së në Lipovec dhe ka dhënë kontribut të madh për partinë.

“Besimi dha kontribut të madh për Hasin, Lipovecin dhe gjithë Gjakovën gjatë periudhës (2009-2013) kur ai ishte kryetar i nëndegës së AAK-së në Lipovec.
Shpreh ngushëllimet e mia më të sinqerta për familjen Selmanaj dhe Berisha.
LAVDI !”, ka shkruar Lekaj.

Vazhdo ta lexosh

Lajme

Lajçak i shkruan Hotit pasi Vuçiq nuk u lejua të futet në Kosovë, paralajmëron pasoja

Publikuar

me

I deleguari special i BE-së për Dialogun me Serbinë, Miroslav Lajçak, i ka dërguar letër zyrtare kryeministrit Avdullah Hoti në shenjë proteste për moslejimin e vizitës së Presidentit të Serbisë Aleksandar Vuqiq në Kosovë.

Në këtë letër Lajçak i kërkon Hotit që ta lë lirshëm Vuçiqin të lëvizë nëpër Kosovë, pasi pohon se këtë ia mundëson Marrëveshja për Vizitat Zyrtare.

“Siç përcaktohet në Marrëveshjen e Lirisë së Lëvizjes, individët e secilës palë janë në gjendje të udhëtojnë lirisht në territorin e tjetrit. Rregullat specifike zbatohen për personat e secilës palë që mbajnë funksione publike, siç përcaktohet në Marrëveshjet për Vizitat Zyrtare. Marrëveshjet për Vizitat Zyrtare, dhe amendamenti i tyre që është një pjesë integrale e kësaj Marrëveshjeje sigurojnë trajtimin dhe ekzekutimin e rregullt të vizitave zyrtare. Këto rregulla, së bashku me Marrëveshjen për Lirinë e Lëvizjes kanë rezultuar shumë të dobishme, dhe ato përbëjnë një arritje në punën midis jush dhe Beogradit, e cila duhet të ruhet”, thuhet në letrën e Lajçak dërguar Hotit, shkruan indeksonline.

Lajçak në letër i ka kujtuar Hotit se të dy Marrëveshjet (Liria e Lëvizjes dhe Vizitat), në tërësinë e tyre, përfaqësojnë angazhimet e dialogut që duhet të respektohen si nga Kosova ashtu edhe nga Serbia.

“Mosrespektimi i këtyre marrëveshjeve dërgon një sinjal shumë negativ për besueshmërinë e Kosovës si palë në procesin e Dialogut. Për më tepër, shkelje të tilla dëmtojnë përpjekjet për të normalizuar marrëdhëniet midis palëve dhe përshkallëzimin e tensioneve në terren; kjo në veçanti ka ndikim në diskutimet e vazhdueshme mbi Marrëveshjen e ardhshme Gjithëpërfshirëse”, thuhet ndër të tjera në letër.

Prandaj, Lajçak thotë se mbështetja e Hotit në cilësinë si Kryeministër është thelbësore për të siguruar që institucionet e Kosovës të vazhdojnë të respektojnë zotimet e tyre nën Dialogun; BE pret që Kosova të vazhdojë të angazhohet në arritjen e normalizimit gjithëpërfshirës me Serbinë; kjo përfshin respektimin dhe zbatimin e të gjitha marrëveshjeve të arritura në Dialog deri më tani.

Vazhdo ta lexosh

Aktuale

Copyright © 2016 - 2020 Publicisti.com