Connect with us

Lajme

Haziri njofton se s’kandidon më për Gjilanin, a po e paralajmëron Arbër Ismajlin si kandidat?

Publikuar

me

Kryetari i LDK-së në Gjilan njëherit kryetar i komunës së Gjilanit Lutfi Haziri ka treguar se nuk do të kandidojë më për të parin e kësaj komune.

Haziri në një intervistë për Kanal10 ka thënë se po mundohet ta mbyll mandatin e tij të katërt në Gjilan në mënyren më të mirë pasi ka ardhë koha “me u nda”.

Ai ka thënë se ka ardhur koha që të ndërtohet një ekip të ri, gjeneratë të re për komunën e Gjilanit duke aluduar në nënkryetarin e komunës Arbër Ismajlin i cili tash e sa kohë është i shumëpërfolur për një kandidaturë të mundshme.

Arbër Ismajli është personi më i afërt me Lutfi Hazirin në komunën e Gjilanit. Ismajli së fundi ka pas rol kyq në këto kohë të pandemisë duke i qëndruar shumë afër qytetarëve, prandaj edhe ka fituar një simpati tek qytetarët, dhe jo rastësisht shihet si kandidati më i fuqishëm i LDK-së në zgjedhjet e ardhshme komunale.

 

 

Lajme

Ministri Zemaj tregon se a do të hiqet të dielën ora policore

Publikuar

me

Ministri i Shëndetësisë, Armend Zemaj, ka bërë të ditur se ora policore do të vazhdojë të jetë e njëjtë edhe gjatë kësaj jave.

Sipas tij, nuk do të ketë përjashtime as në ditën e diel, kur do të organizohen zgjedhjet për kryetar në Komunën e Podujevës dhe Mitrovicës së Veriut.

“ Asnjë masë lehtësuese nuk do të ketë, ne do të shtojmë edhe më shumë mbikëqyrjen ndaj të gjithë atyre që nuk respektojnë masat. Në do të dakordohemi me KQZ-në. Ata duhet ta rregullojnë orarin për votime, kjo nuk është në interesin tim”, ka thënë ai.

Zemaj kritikoi zyrtarët politikë në komunën e Podujevës, të cilët sipas tij nuk kanë qenë të kujdesshëm gjatë këtyre ditëve, kësisoj sipas tij, edhe kanë shkelur masat mbrojtëse.

Përndryshe, ministri foli edhe masat mbrojtëse nga virusi Covid-19, me ç’rast përjashtoi mbylljen e kufijve.

Ai tha se asnjë shtet nuk e ka marrë një vendim të tillë, andaj do të vazhdohet me masat e deritanishme.

“Askush nuk mund të vi nga vendet me rrezikshmëri të lartë pa dëshmuar se është i shëndosh, ata që nuk e kanë testin shkojnë në izolim për 7 ditë. Kështu e kanë është shtetet tjera të rajonit”, ka shtuar ai në emisionin radar.

Vazhdo ta lexosh

Lajme

KFOR-i dhuron pajisje mjekësore në qendrën shëndetësorë në veri të Kosovës

Publikuar

me

Ushtarët amerikanë dhe grekë të KFOR-it dhuruan instrumente dhe pajisje mjekësore duke përfshirë një sterilizues, një elektrokardiogram, sisteme të monitorimit të glukozës dhe mjete të tjera diagnostikuese në qendrën lokale shëndetësore në Zervnicë, në veri të Kosovës.

“Donacioni është pjesë e ndihmës së dhënë paanshëm nga dega e Bashkëpunimit Civilo-Ushtarak të operacionit të udhëhequr nga NATO për institucionet lokale dhe komunitetet, për të përmirësuar mirëqenien e të gjithë qytetarëve.

Doktoresha Mirjana Blagojeviq– zëvendës-drejtoreshë e Spitalit Rajonal të Mitrovicës – falënderoi pjesëtarët e Komandës Rajonale Lindje të udhëhequr nga SH.B.A. dhe të Ekipit Grek të Ndërlidhjes dhe Monitorimit për mbështetjen e vazhdueshme të ofruar nga KFOR-i për institucionet shëndetësore lokale, veçanërisht gjatë COVID-19”, thuhet në njoftimin për media.

Që nga shpërthimi i pandemisë në Kosovë, KFOR-i ka kryer rregullisht detyrat e tij të sigurisë duke kontribuar në reagimin vendor ndaj COVID-19 përmes furnizimit të pajisjeve të mbrojtjes personale dhe dezinfektimit të objekteve publike.

Vazhdo ta lexosh

Lajme

Vdes aktivisti i AAK-së nga Gjakova në moshën 47-vjeçare

Publikuar

me

Ka vdekur në moshën 47-vjeçare, Besim Selmanaj, një nga aktivistët e AAK-së në qytetin e Gjakovës.

Këtë e ka bërë të ditur deputeti i AAK-së, Pal Lekaj, përmes një postimi në Facebook ku i ka shprehur ngushëllime familjes së të ndjerit.

“Dje mora lajmin e dhembshur që në moshën 47 vjeçare vdiq Besim Jahë Selmanaj, një nga aktivistët më të devotshëm të AAK-së në Gjakovë”, ka shkruar Lekaj.

Ai thotë se i ndjeri ishte kryetar i nëndegës së AAK-së në Lipovec dhe ka dhënë kontribut të madh për partinë.

“Besimi dha kontribut të madh për Hasin, Lipovecin dhe gjithë Gjakovën gjatë periudhës (2009-2013) kur ai ishte kryetar i nëndegës së AAK-së në Lipovec.
Shpreh ngushëllimet e mia më të sinqerta për familjen Selmanaj dhe Berisha.
LAVDI !”, ka shkruar Lekaj.

Vazhdo ta lexosh

Aktuale

Copyright © 2016 - 2020 Publicisti.com