Connect with us

Bota

Erdogan: Ne e shohim veten në Evropë, jo diku tjetër

Publikuar

me

Presidenti i Turqisë, Recep Tayyip Erdogan ka deklaruar se “Ne e shohim veten në Evropë, jo diku tjetër, ne parashikojmë që të ardhmen tonë ta ndërtojmë bashkë me Evropën”.

Nëpërmjet lidhjes direkte nga rezidenca Vahdettin në Stamboll, Erdogan mbajti një fjalim në Kongresin e 7-të të zakonshëm të Partisë për Drejtësi dhe Zhvillim (AK Parti) në qytetet Kütahya, Afyonkarahisar, Batman dhe Siirt.

Ai tha se synojnë të mos luftojnë me askënd as brenda dhe as jashtë, të mos shkelin të drejtat, legjitimitetin dhe qëndrimin legjitim të askujt. Erdoğan thotë se duan të jenë në një bashkëpunim më të fortë me miqtë dhe aleatët e tyre.

“Ne presim që Bashkimi Evropian të mbajë premtimet që na ka dhënë, të mos bëjë diskriminim ose të paktën të mos bëhet vegël për armiqësitë kundër vendit tonë. Ne e shohim veten në Evropë, jo diku tjetër. Ne parashikojmë që të ardhmen tonë ta ndërtojmë bashkë me Evropën. Marrëdhëniet tona të gjata dhe të afërta të aleancës me SHBA-në dëshirojmë t’i përdorim në mënyrë aktive në zgjidhjen e çështjeve rajonale dhe globale. Ne kurrë nuk mund të injorojmë vendet si Rusia dhe Irani që kemi marrëdhënie historike të rrënjosura”, tha Erdogan.

Më tej Erdogan tregoi se ata kanë marrëdhënie shumë të thella me botën islame dhe botën turke, ku herë-herë së bashku dhe herë-herë veçmas.

“Ne kërkojmë të përmirësojmë bashkëpunimin tonë me pothuajse të gjitha paktet rajonale në botë. Ne përpiqemi për zgjidhje të bazuara në integritetin territorial dhe unitetin politik kudo që të përfshihemi, nga Siria në Libi. Askush brenda kësaj fotografie nuk ka të drejtë të akuzojë, të izolojë, të kërcënojë me argumente plotësisht te rreme ose të gabuara Turqinë. Në çdo gjë që kryejmë, veprojmë me një qasje që vëzhgon të drejtën, legjitimitetin, drejtësinë e viktimave dhe të shtypurve”, tha Erdogan duke shtuar:

“Edhe ndaj vendit tonë presim qasje me të njëjtën ndjeshmëri. Ne besojmë se asnjë vend dhe organizatë dinjitoze nuk do të pranojë që të shndërrohen në një lodër në duart e organizatave terroriste dhe lobeve të cilët armiqësinë ndaj Turqisë e kanë bërë qëllim të jetës”

Bota

U ndëshkua se iku nga shtëpia pa leje, 17-vjeçari vret gjithë familjen e tij

Publikuar

me

Një adoleshent në Indianapolis u akuzua të Enjten me gjashtë akuza vrasjeje për vrasjen e anëtarëve të një familjeje dhe një gruaje shtatzënë.

Raymond Childs III, 17 vjeç, u akuzua gjithashtu për vrasje në tentativë të një personi tjetër i cili u largua nga shtëpia e familjes pas të shtënave fillestare.Sipas dokumenteve të gjykatës të shpërndara nga zyra e prokurorit ai mbante një pistoletë pa licencë.

Ai po akuzohet si i rritur për shkak të moshës së tij dhe pretendimit të vrasjes, bën me dije CNN.
Vrasjet janë një ngjarja më tragjike në qytet me kaq viktima në më shumë se 10 vjet, tha të Dielën Shefi i Policisë së Metros në Indianapolis, Randal Taylor.

Childs dyshohet se vrau anëtarët e familjes së tij pasi babai i tij e ndëshkoi atë për largimin nga shtëpia pa leje.

Childs dyshohet se qëlloi dhe vrau vëllanë e tij Elijah para se të qëllonte babanë e tij, Raymond Childs, Jr dhe njerkën Kezzie Childs.

Detektivët gjetën gjithashtu motrën e tij të vdekur 13-vjeçare. E dashura shtatzënë e Elijah, Kiara Haëkins, u shpall e vdekur në një spital.

Dalja e ardhshme në gjyq e Raymond Childs III është më 21 Prill.

Vazhdo ta lexosh

Bota

39 vjeçari vret bashkëshorten dhe djalin 5 vjeçar

Publikuar

me

Një italian 39 vjeçar ka vrarë gruan dhe djalin e tij, ndërsa më pas u përpoq të vristë edhe veten.

Ngjarja e rëndë ka ndodhur në provincën e Torinos, ku burri 39 vjeçar pasi vrau bashkëshorten dhe djalin e tyre 5 vjeçar, donte të vetëvritej duke u hedhur nga ballkoni i shtëpisë.

Vrasja ndodhi pasi çifti kishte bërë grindje për arsye akoma të pa zbuluara, shprehen mediat italiane.

Personi ndodhet në spital, jashtë rrezkut për jetën, ku ndodhet edhe në vezhgimin e policëve.Vazhdojnë hetimet për të zbuluar motivet e vrasjes nga ana e policisë.

Vazhdo ta lexosh

Bota

Mjeku amerikan shkarkohet pasi vodhi vaksina kundër Covidit, ia dha gruas

Publikuar

me

jë mjek në Teksas të Shteteve të Bashkuara është shkarkuar nga puna dhe është ngarkuar me akuzë kriminale pasi dyshohet se ka vjedhur një paketim të vaksinës kundër Covidit që përmbante nëntë doza, duke ua dhënë ato miqve dhe familjarëve.

Autoritetet dyshojnë se Dr. Hasan Gokal, i cili punonte në sektorin e shëndetit publik në rajonin Harris, vodhi doza të vaksinës së kompanisë Moderna përderisa ishte duke punuar në një qendër vaksinimi në Humble më 29 dhjetor.

Rasti raportohet se u zbulua pasi Gokal u mburr para një kolegu për këtë vepër. Më pas, bashkëpunëtori e raportoi këtë rast te mbikëqyrësit, shkruan Daily Mail, transmeton Gazeta Express.

Prokurorët më vonë vlerësuan se mjeku 48 vjeç e kishte përdorur paketimin për t’ua dhënë vaksinën nëntë personave, përfshirë bashkëshorten.

“Ai e abuzoi pozitën për t’i vendosur në radhë të vaksinimit personat që nuk i janë nënshtruar procesit ligjor për të qenë aty”, tha prokurorja rajonale, Kim Ogg.

“Ajo që bëri ai ka qenë ilegale dhe për këtë do të mbahet përgjegjës sipas ligjit”, shtoi prokurorja.

Sipas saj, mjeku i dyshuar i injoroi protokollet që kërkojnë përparësi për punëtorët në vijën e parë të frontit kur është fjala për vaksinim kundër sëmundjes Covid-19.

Avokati i mjekut, Paul Doyle, tha se klienti i tij nuk ka bërë asgjë të gabuar, duke këmbëngulur se paketimi ishte i dëmtuar dhe mjeku thjesht dëshiroi që të mos e çonte dëm.

Vazhdo ta lexosh

Aktuale

Copyright © 2016 - 2020 Publicisti.com